Pas anulimit të zhvillimit të resortit turistik në Parkun e Divjakë-Karavastasë, ka reaguar ekskluzivisht për Fax News për herë të parë kreu i kompanisë Mabetex, Behgjet Pacolli. Pacolli pohon se ideja për investim ishte e qeverisë shqiptare, dhe se anulimi u ka kushtuar një dëm te madh monetar.
Pas një sërë diksutimesh e kundërshtimesh nga organiztat mjedisore, qeveria shqiptare hoqi dorë këtë jave nga mbështetja ndaj projektit të kompanisë Mabetex për të ndërtuar në Parkun e Divjakë-Karavastsë një resort të madh turistik.
Lidhur më këtë refuzim nga pala shqiptare, kreu i kompanisë Behgjet Pacolli, ka pranuar për herë të parë publikisht se ka qenë qeveria shqiptare ajo që ka kërkuar investim dhe ndërhyrje në zonën e Divjakë-Karavastasë, zonë e mbrojtur natyrore.
Pacolli sqaron se ideja për investim në luginën e Divjakë–Karavastasë ka nisur 6 vite më parë, dhe se refuzimi nuk i është bërë i ditur në rrugë ligjore apo zyrtare.
Kreu i kompanisë Mabetex, pohon se humbja si investitor në këtë projekt kap një shifër të madhe dhe që në raste të investitoreve të tjerë shteti shqiptar do duhej të paguante dëmin që mund të shkonte me shifra të larta.
Përtej humbjes si investitor në një zonë të mbrojtur mjedisore, Pacolli kërkon nga shteti shqiptar të mos përsëriten raste të tilla me investitorë të huaj, duke argumentuar se do i sillnin dëm të madh ekonomisë vendase.
(F.GJ/FAXWEB.AL)
Discussion about this post