Ditën e djeshme moderatorja Ilda Bejleri është përfshirë në një aksident, të cilin si fillim refuzoi ta pranojë, dhe më pas u mjaftua duke thënë se një grua ishte përplasur me makinën e saj, dhe ajo nuk ndihej aspak fajtore për atë që ndodhi.
Ajo thuhet se ka përplasur me makinë një 64-vjeçare dhe pas ngjarjes nuk ka ndaluar ta shohë, e megjithatë policia pati një reagim shumë të vonë për rastin, duke thënë se gruaja ndodhej në spital, ndërkohë që nuk ishte bërë dot e mundur identifikimi i mjetit.
Në një intervistë për Fax News, Enriketa Gjuzi, deklaroi se të gjitha makint ndaluan, ndërkohë që x5 e moderatores e përplasi duke lënë në rrugë.
Ajo deklaroi se moderatorja reagoi si arrogante, ndërkohë që shtoi se pasi e hodhi tutje në tokë, i tha se nuk shihte tek cepi i makinës.
“Doja të kaloja rrugën, ishte hapur semafori i kuq. Kaluan nja 4-5 para meje, unë isha e fundit. Disa makina ndaluan. Te kjo e mesit që ishte kjo ja bërë me dorë. Jo vetëm që nuk ndaloi por shtoi shpejtësinë dhe më hodhi 2 metra tutje. Në moment ndaluan disa makina të tjera. I thashë çfarë më bërë dhe “më tha shoh dot unë këtu tek cepi i makinës”. Pastaj dolën ato burrat. Më është thyer këmba. Më mbajtën ato burrat më dhimbje të mëdha me ulërima.
Unë kam vetëm këtë nëse do të tregohej e sjellshme, të më thoshtë më fal u bë. Me gjithë shpirt ja kisha falur. Me mënyrën si u soll, iku si arrogante. Këmbën do ta operoj se është thyer.
Po një dëmshpërblim do të kërkoni?
Them se po!”- u shpreh Gjuzi.
Në orët e vona të mbrëmjes u tha që moderatorja ishte shoqëruar në Polici, por vetë Ilda është kujdesur që ta përgënjeshtrojë edhe këtë lajm, duke nxjerrë një foto nga shtëpia e saj, ku thoshte se policia ka parë videon, dhe ka parë që ajo nuk kishte asnjë faj në përplasje.
(M.Q/Faxweb.al)
Discussion about this post