Një incident i rëndë ka ndodhur gjatë ndeshjes mes Skënderbeut dhe Flamurtarit pasditen e sotme në Korçë. Vëllai i futbollistit të Skënderbeut Tefik Osmani, Sokol Osmani është rrëzuar nga tribuna gjatë momentit të golit nga Skënderbeu në minutën e 83-të, gol që u shënua nga Muzaka. Gazetarja e ‘Fax News’Ledjona Xheladinaj tha se Sokol Osmani ndodhet në gjendje të rëndë në spital pasi është dëmtuar në kokë.
Siç shihet dhe nga video vëllai i futbollistit ka mbetur i dëmtuar dhe menjëherë është transportuar me ambulancë për në spital. Aty është është afruar dhe Tefik Osmani për tu interesur për gjendjen e të vëllait por që më pas është larguar nga bashkëfutbollistët e tij. Ndeshja mes Skënderbeut dhe Flamurtarit përfundoi me rezultatin 1-0 në favor të korçarëve. (B.H/Faxweb)
https://www.youtube.com/watch?v=DTLMSA9U1zU&feature=youtu.be
