Në emisionin e mbrëmshëm ”Opinion” janë zhvilluar debate të forta në lidhje me temën e konsumimit të drogës në lokalet e natës. Kanë qenë të ftuar gazetarë, drejtues i policisë së Tiranës etj.
Një nga debatet më të forta që është zhvilluar ka qenë ai mes gazetares Rezarta Delisulaj dhe pedagoges Iris Luarasi. Sipas gazetares policia duhet të ndërhyjë që në orët e para të mbrëmjes në lokalet e natës, ndërsa për Luarasin kjo do të ishte e kotë për sa kohë që jeta e vërtetë e natës fillon pas orës 12.
Por nuk ka mbaruar me kaq, pasi mendimet e dy të ftuarave janë përplasur edhe për diskotekat evropiane. Kur Delisula tha se “në të gjitha lokalet dhe diskotekat e Evropës pihet drogë”.
Luarasi e ka kundërshtuar këtë në mënyrë kategorike duke i thënë se: ”Këtu njëherë je gabim, se nuk është e vërtetë. Nuk pihet drogë në të gjitha diskotekat, por në ato vende ku thyhet ligji, nuk mund të thuash në mënyrë absolute që të gjitha lokalet ne Evropë thyejnë ligjin”.
Por Delisuala ka vazhduar më tej duke thënë se: “Unë kam qënë në të gjitha diskotekat e Evropës, kam qënë në Amsterdam, kam qënë në Milano, kam qënë në Bruksel dhe kam parë njerëz që konsumojnë drogë”.
Më pas Iris Luarasi i ka thënë: “ Nëse ti ke shkuar në ato diskoteka ku shitet drogë se ke qejf të shkosh dhe të konsumosh drogë ky është problemi yt”.
https://www.youtube.com/watch?v=if5zEoXR39k&feature=youtu.be
Discussion about this post