Saimir Tahiri ka mbërritur pak minuta më parë në Gjykatën e Krimeve të Rënda i shoqëruar nga avokati Maks Haxhia për të ndjekur seancën gjyqësore në ngarkim të tij.
Seanca e shkuar, pesë ditë më parë, u shty për shkak se prokuroria nuk kishte njoftuar të pandehurit e tjerë, ndërkohë avokati i Tahirit, Maks Haxhiaj la të hapur opsionin se mund të kërkojnë gjykim të shkurtuar nëse vijojnë zvarritjet. Ndërkohë dosja voluminoze e Tahirit prej 53 fashikuj ka mbërritur po ashtu në Gjykatën e Krimeve të Rënda.
Saimir Tahiri ka qenë në postin e Ministrit të Brendshëm që nga 2013 deri në 2017, më pas ai vijoi si deputet i Partisë Socialiste në Parlament deri në 2018, vit kur dha edhe dorëheqjen nga post.
Është shtyrë disa herë procesi me kërkesë të prokurorisë ndërsa në fillim të këtij viti çështja shkoi në Gjykatë. Ndërkohë seanca e sotme gjyqsore, e drejtuar nga gjyqtarja Miliana Muça, do të zhvillohet me dyer të mbyllura.
Ndaj ish Ministrit të Brendshëm, Saimir Tahiri rëndon akuza për “grup të strukturuar kriminal” dhe e “trafikut ndërkombëtar të lëndëve narkotike”
