Stela Karafili është një emigrante që është kthyer aktualisht në Shqipëri dhe i përket një familjeje të përndjekur, mbesa e një të përsekutuari që akoma nuk i janë gjetur eshtrat.
Fax Neës mëson se gjyshi i Stelës është pushkatuar në vitin 1952 nga sistemi komunist eshtrat e të cilit ende nuk janë gjetur.
Ajo i ka dalë përpara kryedemokratit, Lulzim Basha i cili ndodhet në Shkodër në takime me qytetarët e kryeqendrës së Veriut, duke i rrëfyer se është brezi i tretë i të persekutuarve dhe do një përgjigje për persekutimin që është bërë familjes së saj.
Jemi brezi i tretë ri i të persekutuarve, jetoj jashtë shtetit kam ardhur aktualsiht për pushime por nuk gjendem në vendin tim. Mbase nuk është moment i duhur por kërkoj një përgjigje.
Basha mori pjesë në një ceremoninë të inagurimit të Memorialit të viktimave të regjimit komunist.
Memoriali është ndërtuar nga Bashkia e Shkodrës, në bashkëpunim të ngushtë me të persekutuarit politikë, organizatën “Drejtësi dhe Paqe” dhe me bashkëfinancimin Renovabis e donatorë vendas e të huaj.
Është një vepër memoriale, e cila simbolizon realitetin e vuajtjes së intelektualeve, klerit, dhe qytetarëve të zakonshëm të vendit me internimet dhe persekutimet e bëra nga sistemi komunist.
(F.GJ/FAXWEB.AL)
