(Video) Kakavijë/ Kapet 37-vjeçari nga Fieri me 1.5 kilogramë heroinë (Emri)

Policia e Gjirokastrës ka goditur një tjetër rast të trafikut të narkotikëve.

Në prangat e policisë ka rënë 37-vjeçari nga Fieri, Elton Ferko.

Ferko po udhëtonte drejt Greqisë me një nga autobusët e linjës Tiranë-Athinë.

Gjatë kontrollit në pikën kufitare të Kakavijes, autobusi ka kaluar në një kontroll të dytë.

“Pesha totale e lëndës narkotike rezultoi 1 kilogramë e 520 gramë, e cila u sekuestrua në cilësinë e provës materiale. Pas veprimeve të para hetimore, Specialistët e seksionit për Hetimin e Narkotikëve në D.V.P Gjirokastër arrestuan në flagrancë shtetasin: Elton Ferko, 37 vjeç, banues në Fier.”,thuhet në njoftimin e Policisë.

(F.G/Faxweb)