Aktori Neritan liçaj ka hapur me fjalën e tij tubimin e sotëm në kuadër të kundërshtimit të prishjes së godinës së Teatrit kombëtar.
Liçaj bëri thirrje për bashkim dhe ndryshimin për mirë të gjërave në vend, ndërsa theksoi se askush nuk duhet të mebndojë deri në pragun e shtëpisë së vet.
“Kemi harruar se i përkasim identitetit prandaj nuk gjejmë paqe. jemi këtu, aleanca një grup njerëzish që besuan tek zemra e tyre, besuan tek kauza e tyre. gjithesesi ne jemi këtu për të thënë se ne jemi shqiptarë. Ne atë shesh të bukur e quajtëm sheshi i lirisë, sepse aty ne e shikonim në sy njëri-tjetrin. Tqë gjnithë e panë se çfarë krimi u bë. Ne duam drejtësi. Të marrim dhe të analizojmë atë dorë pushkatimi që e vrau atë Teatër. Këto institucione të dinë të tregojnë se dinë të mbrojnë kombin e tyre se për atë u krijuan.
I bëj thirrje çdo shqiptari të mos mendojë vetëm deri tek pragu i shtëpisë së vet, sepse aty nuk mbaron bota shqiptare, aty fillon. Jemi në shekullin e 21, unë e dua popullin tim dhe jam krenar, jemi rracë e fortë, shahemi mallkohemi, kemi një temperament të fortë dhe një shpirt shumë të bukur. Ejani ta mbrojmë të gjithë, e kjo nuk bëhet duke mbrojtur vetëm interesat personale. Të mos i falemi vetëm një perëendie në kërkim të parasë, ka diçka përtej parasë, pushtetit. Kërkojmë njerëzve me zemër të pastër dhe të fortë të reagojnë ndaj atyre që na marrin forcërisht”, tha Liçaj.
(F.GJ/FAXWEB.AL)
Discussion about this post