Donjet Beqiri, vëllai i Kreshnik Beqirit të masakruar një vit me parë nga shoku i tij, trupi i të cilit i gjet coptuar në një valixhe në periferi të qytetit të Fierit, bën apel që procesi hetimor të jetë më i shpejtë dhe të provohet shkencërisht që kufoma e gjetur i përket ose jo vëllait të tij.
“Nuk kemi marrë një përgjigje zyrtarisht nëse vëllai ynë është vërtetë i vdekur. Kërkojmë që të zbadhet çështja, dhe të na jepen fakte konkrete që vëllai ynë ka vdekur. Të dimë dhe ne si familje, të përcjellim atë për në banesën e fundit.
Vëllai ynë figuron akoma i zhdukur. Mendoj se mund të jetë gjallë, pasi nuk kam fakte zyrtare se akoma ka vdekur. Më duhet një certefikatë vdekje.
Apeli për ne është që mos të zvarritet çështja dhe duhet ti jepet një drejtim kësaj ngjarje. Nëse ka drejtësi dhe siguri, të na ndihmojnë dhe të na japin zgjidhje. Hetimet nuk ishin të duhura për të gjitha skenaret makabër që u dëgjuan dhe u deklaruan. Nuk është angazhuar sa duhet prokuroria e Fierit. Nuk kanë prova konkretë për sa i përket vdekjes së tij.”
Kreshnik Beqiraj, 36 vjeç, banues në Fier u gjet i vrarë në Janar të këtij viti.
Ndërkohë nga ana e organeve hetimore është bërë e mundur identifikimi e ndalimi i autorit të vrasjes Albert Zekaj, 32 vjeç, banues në Kalldrun, Bashkia Koplik, Malësi e Madhe.
Ky shtetas ka qenë shok me viktimën K.B., ku janë njohur para tre vjetësh në Belgjikë dhe më pas kanë qëndruar në shtëpi me qera në qytetin e Fierit.
Më datë 22.06.2017 rreth orës 23:00 ky shtetas dyshohet se e ka vrarë ne sende te forta dhe trupin e ka hedhur në afërsi të fshatit Daullas.
Zekaj u shoqërua në Drejtorinë Vendore të Policisë Fier, ku pas marrjes në pyetje ai pranoi autorësinë e vrasjes dhe hedhjen e kufomës në vendin ku u gjet.
Viktima ishte denoncuar në polici i humbur nga familjarët, por nga veprimet e kryera si dhe nga dyshimet e familjarëve, në muajin Janar 2018 Drejtoria Vendore e Policisë Fier ka nisur hetimet pasi dyshohej se ky shtetas mund të ishte vrarë ose rrëmbyer.
Nga kryerja e veprimeve proceduriale u sekuestruan në cilësinë e provës materiale:
– një batanije e cila kishte shërbyer për transportin e trupit.
– një çekiç me të cilin autori ka kryer krimin;
– mbetje të trupit të cilat u dërguan pranë Institutit të Mjekësisë Ligjore Tiranë, për ekzaminim të mëtejshëm.
