Kryetarja e LSI-së, Monika Kryemadhi ka qenë sot në Shkodër për të parë nga afër familjet që vuajnë prej javësh tashmë përmbytjet.
Ata i kanë treguar asaj kushtet e vështira me të cilat janë të detyruar të përballen, ku mes të tjerave vuajnë dhe mungesën e vëmendjes nga ana e qeverisë.
Kryemadhi theksoi se arsyeja qe ajo kishte shkuar atje nuk kishte të bënte aspak me politikën, por gjithçka ishte në kuadër të njerëzores.
‘’Nuk duam ta përdorim për politikë, jo, jo! E di pse? Sepse kjo është njerëzore, sikur i shkojmë njeri-tjetrit dhe për të mirë dhe për të keq. Ne kemi ardhur si motra tek vëllai, si vëllai tek vëllai, në kuptimin e mirë të fjalës.
Duam që t’u tregojmë të gjithëve dhe të ftojmë jo vetëm deputetë por të gjithë shqiptarët të solidarizohen me ju, të mësojmë nga përballimi i vështirësive që shkodranët i bëjnë me dinjitet vështirësive, fatkeqësive, të mësojmë nga qytetaria juaj, sepse ju me qytetarinë tuaj i bëni ballë dhe indiferencës, qoftë qeveritare, qoftë indiferencës politike. Djepi i qytetarisë jeni, djepi i demokracisë jeni…Me mirënjohje dhe respekt për të qënë pjesë e ndihmesës,” theksoi Kryemadhi në fjalën e saj.
Nga ana tjetër shkodranët e kanë pritur mjaft mirë vizitën e kryetares së LSI-së, teksa e kanë quajtur atë burrneshë.
“Ia kalon edhe burrit, je burrneshë”, tha ai. (E.K/FAXWEB)
Discussion about this post