‘Ktheju Tokës’ e kënduar nga këngëtarja e njohur, Jonida Maliqi është zgjedhur të përfaqësojë Shqipërinë në Eurosong këtë vit.
Ajo është një baladë mjaft e ndjerë që I kushtohet jetës së shqiptarëve që janë dashur të përballen me emigracionin.
Pak minuta më parë, Jonida ka publikuar edhe videoklipin prezantues të këngës. Ajo shfaqet me një fustan ngjyrë bezh të punuar nga stilisti Ardi Asllani. E gjithë fabula e këngës pasqyrohet më së miri mes flakëve dhe ujit.
Këngëtarja pritet të këndojë në pjesën e dytë të natës së dytë gjysmëfinale, në datën 16 maj.
‘Eurovision’ këtë vit do të organizohet në Tel Aviv të Izraelit, për të shpallur fituesin mes 42 vendeve konkurruese në 18 maj.
