Kukësi ka fituar me rezultatin 1-0 ndaj Partizanit falë golit të sulmuesit Vasil Shkurtaj. Trajneri Duro e nisi ndeshjen me ndryshime, pasi afrimi i ri Obanor debutoi si titullar. Lerda nga krahu tjetër preferoi Bardhin dhe Brown duke lënë në stol Solominin dhe Çinarin. Asani i dëmtuar dhe nuk ishte as në stol.
Sfida ishte e qetë dhe shumë e kujdesshme në pjesën e parë. Të dy skuadrat nuk rrezikuan dhe nuk kaluan në aventura. Takimi u vendos në minutën e 39′ kur Et’hemi fitoi një penallti me Boldor që bëri faull brenda zone. Shkurtaj nuk gaboi përballë Hoxhës dhe e pushoi topin në rrjetë për 1-0. Me këtë rezultat, të dy ekipet shkuan në dhomat e zhveshjes.
Lerda u zhgënjye nga futbollistët e tij dhe largoi Bardhin e Cordeiron për Çinarin dhe Solomon. Të dy i dhanë më shumë shpejtësi Partizani. Loja solli dhe nerva, pasi Solomon dhe Lulaj bënë sherr mes tyre. Sulmuesi i Partizanit goditi me kokë lojtarin e Kukësit që reagoi me duar. Jorgji u tregoi kartonin e kuq të dyve në minutën e 62′.
Pjesa e mbetur e takimit foli për Partizanin që ishte më kërkues, por që nuk ia doli të barazonte shifrat. Mala goditi shtyllën, por vetëm aq. “Demat” nuk arritën të shqetësonin seriozisht portën e Avdylit, ndërsa nënkampionët tentuan me kundërsulme. Loja efektive në pjesën e dytë ishte me pikatore me lojtarët verilindorë që e tepruan me rrëzimet në fushën e lojës. Përfundimisht, Kukësi e nis kampionatin me këmbën e mbarë, ndërsa kampionët bien që në fillim.
https://www.facebook.com/FKKukesiAlbania/videos/2458576644203749/
Trajneri Franco Lerda ka folur pas humbjes me Kukësin. Italian ka folur për gjykimin dhe vonesat e futbollistëve të Kukësit në pjesën e dytë. Lerda e pranon se skuadra e tij nuk dhuroi shfaqjen më të mirë, por është i sigurt se do të përmirësohet në vazhdim.
Humbja – “Ka ndryshime nga Superkupa. Ata luajtën mirë në pjesën e parë dhe shënuan, ne luajtëm në të dytën por nuk shënuam. Kukësi e fitoi ndeshjen nga gabimet tona. Kemi gabuar shumë me pasime dhe aty Kukësi i shfrytëzoi”.
Presioni i vazhdimit – “Kur humb nuk është asnjëherë mirë as në fillim, as në fund. Ndeshja u vendos nga një penallti, më duket e dyshimtë. Disa prej lojtarët nuk ishin rikuperuar ende e normalisht as për Kukësin”.
Telushi i vetëm – “Kemi bërë shumë gabime dhe në pasime dhe vertikalizme. Në të dytën u përmirësuam, goditëm shtyllën. Kishim pak raste dhe nuk i shfrytëzuam”.
Loja e dobët – “Në pjesën e parë nuk bëmë mirë, në pjesën e dytë më pëlqeu skuadra. Luajtëm kundër një Kukësi të mirë”.
3 mbrojtës / Boldor – “Ne po luajmë me 3 lojtarë. Nuk çaluam mbrapa, por te 5-shja nga mesfusha. Boldori mund të luajë dhe majtas, por më ka pëlqyer në pozicionin që po e aktivizoj”.
Kartoni i kuq – “Nuk e di nëse e ka prekur me kokë a jo. Gjesti qëndron”.
