Në një prononcim për Fax News kunata e viktimës së djeshme pas sherrit në Kavajë në shtëpinë e Marsida Qatjas, ka thënë se ndjehet e shokuar nga ngjrja ndërsa rrëfen se si e mësuan lajmin.
Kunata shprehet se Dritan Haxholli ishte i divorcuar ndërsa ish-bashkëshortja e tij mori pjesë në ceremoninë e varrimit me të cilën thotë ajo, kishte raport shumë të mirë.
“Lajmin e morëm vesh nga televizori. U shokuam, po përgatiteshim për punë dhe gjejmë nënën në oborr që po fshinte. E pyetëm ku ishte Dritani, ndërsa ajo nuk dinte gjë. Nëna tha që i kishte ardhur policia në 03:00 të mëngjesit, nuk kishte thënë gjë. Im shoq shkoi në polici, konfirmoi që ishte e vërtetë, i them nënës që Dritanin e kanë vrarë. Policia nuk tha asgjë, ngjarja ndodhi natën ne e morëm vesh nga mediat.
Dritani për ne ishte djalë i shkelqyer, kishte fatkeqësira, raportin me ish-gruan e kishte shumë të mira, kishte jetuar në Greqi, aty ishte dhe dënuar. Sot në varrim ishte vajza dhe ish-gruaja e tij, për vajzën e tij kujdesej shumë”, tregoi kunata e Xhahollit, të vrarë dje nga Bledar Toçi në banesën e Marseda Qatjas.
(F.GJ/FAXWEB.AL)
Discussion about this post