Almeda Abazi dhe Tolgahan Sayışman kanë kurorëzuar dashurinë e tyre ditën e djeshme në Beverly Hills. Almeda kishte zgjedhur një fustan elegant të qendisur dhe dukej si princeshë, ndërsa Tolgahan me kostumin klasik. Mediumi turk “Haberler” ka publikuar nje video nga momenti kur çifti i thonë “Po” njëri tjetrit.
Ndërkohë dje Almeda kishte dhe 25-vjetorin e lindjes së saj. Dhe nuk mungoi as urimi i të dashurit të saj e nga dje burrit të saj.
“Të duash një njeri me zemër është që buzëqeshja e saj të të duket agimi i ditës. Të gjesh një person që t’i kujton të gjitha bukuritë e krijuesit, është bekim më vete. Zoti bëftë që të gjithë ju të jeni bashkë me njerëz me të cilët të plakeni dorë për dore, me njerëz që t’i lëshoni gjethet e kohës plot dashuri. Le të jetë ky postimi me të cilin i jap lamtumirën beqarisë”, shkroi aktori në profilin e tij në Instagram, ndërsa Almada iu përgjigj se edhe ajo e dashuron shumë.
Shqiptarja është në një lidhje dashurie me aktorin turk prej dy vitesh, ndërsa në nëntorin e vitit të kaluar ata u fejuan dhe filluan edhe përgatitjet për dasmën. Ndërsa gjithçka ishte planifikuar për këtë pranverë, i fejuari i saj i bëri një surprizë duke e përshpejtuar datën e martesës pikërisht në ditëlindjen e Almedës, më 13 shkurt. (E.K/SHUPLAKA)
https://www.youtube.com/watch?v=asuK4hqdkFI&feature=youtu.be
Discussion about this post