Deputeti i PD-së, Genc Pollo i ftuar në Faxnews ka folur për betejën e opozitës dhe jo vetëm, për të bllokuar shembjen e padrejtë të Teatrit Kombëtar. Pollo vlerësoi punën e KE-së pas letrës që PD i dërgoi, duke theksuar se Qeveria është në disfatë pas kësaj ndërhyrjeje.
“Gjithsesi edhe Komisioni Europian ka bërë ndërhyrjen e duhur dhe me sukses, mbas letrës që i kemi dërguar ne Partia Demokratike dhe në mënyrë të qartë . Me sa kuptohet nga letra ata do të pranojnë të heqin emrin e kompanisë Fusha shpk dhe të zbatohet një garë. Kjo tregon haptazi sesa të trashë e kishte gjumin qeveria, tregon haptazi që u problem edhe në Bruksel nëqoftë se nuk zgjidhet si duhet, bëhet edhe problem edhe për hapjen e negociatave. Tregon haptazi që një betejë e fituar nuk është një luftë e fituar, qeveria është në disfatë tërheqjeje”, tha ai.
Për deputetin lufta për mbrojtjen e Teatrit duhet të vazhdojë jo vetëm nga opozita por edhe nga qytetarët.
“Për të keqen e vet edhe duhet të insistojë që t’i shkojë projektit deri në fund. Duhet mbrojtur normat Kushtetuese, duhet mbrojtur trashëgimia nga barbarët. Qeveria nuk druhet të bëjë një padrejtësi, është bërë shkelja e normave bazë.
Është një luftë që duhet ta bëjnë shqiptarët në rradhë të parë dhe opozita për këtë po përpiqet. Presim që të marrim kontratën për ndërtimin e kullave ku është kontrolli sot. Opozita ka qenë kryesore në këtë betejë dhe përtej opozitës ka të tjerë që nuk identifikohen me opozitën. Angazhimi në çdo mbasdite nëpërmjet apeleve dhe shpresoj që një lëvizje e tillë të gjallërohet.
Fatkeqësisht në këto qytete nuk është si dikur, nuk guxojnë të përmendin emrat e kryebashkiakëvë, nuk guxojnë t’i përmendin pavarësisht se dominojnë jetën e tyre. Në këtë vend vihet edhe prania e opozitës që është zëri kryesor. Të gjitha këtë probleme janë të mundshme për t’u zgjidhur nëqoftëse largohet banditëria”, u shpreh ai.
(J.D/Faxweb.al)
Discussion about this post