Banorët protestues të zonës së Astirit kanë mbërritur para drejtorisë së Policisë Tiranë ku kërkojnë lirimin e 2 te arrestuarve mëngjesin e sotëm pas hyrjes në fuqi të ndryshimeve të reja në Kodin Penal ku personat përgjegjës për bllokimin e rrugëve dënohen me disa vite burg.
Sapo kanë mbërritur në këtë drejtori kanë tentuar të futen brenda ambienteve dhe kanë thyer derën, ndërsa thërrasin të irrituar: Lironi djemtë tanë, nuk na ndalni dot.
Vetë banorët thonë se janë 5 të arrestuar, ndërsa mëngjesin e sotëm u mësua se ishte arrestuar Ilir Katiraj dhe Gramoz Shehu, ndërsa është shoqëruar dhe Skënder Doda.
Ish-deputeti i PD-së Klevis Balliu e ka cilësuar provokacion arrestimin e 2 banorëve të Unazës së Re, me urdhër direkt të Edi Ramës.
“Kush ndalon të drejtën e protestës. Ky është provokim i hapur nga Edi Rama. Të gjithë do përgjigjen shumë shpejt”, tha Balliu.
