Është tensionuar situata para Bibliotekës “Luigj Gurakuqi” në Shkodër ndërsa shumë banorë janë përplasur me policinë në tentativë për të çarë kordonin e policisë ndërsa po konstituohet Këshilli Bashkiak i kësaj Bashkie.
Një numër i madh qytetarësh kanë dalë sot të protestojnë kundër konstituimit të Këshillit Bashkiak të Shkodrës, ndërsa kryetari i zgjedhur ën zgjedhjet e 30 qershorit, Valdrin Pjetri u dorëhoq pas daljes në dritë të dokumenteve nga shteti italian të cilat provonin se ai ishte dëbuar nga shteti fqinj në vitin 2003 pas dënimit nga gjykata si i përfshirë në trafik droge.
Banorët e Shkodrës disa herë kanë tentuar të çajnë kordonin e policisë në përpjekje për të ndalur konstituimin e këtij këshilli, i cili sipas tyre është i jashtëligjshëm dhe që nuk përfaqëson qytetarët e kësaj bashkie.
Pjesëmarrja në zgjedhjet e 30 qershorit në Shkodër ishte rreth 8 për qind.
