Kreu i PD-së Lulzim Basha dhe kryetarja e LSI-së Monika Kryemadhi kanë nisur marshimin nga selitë e partive të tyre në drejtim të Bulevardit Dëshmorët e Kombit.
Në protestë derimë tani shihet një numër mjaft i lartë qytetarësh, ndërsa ajo që mbetet mister është koha e përfundimit të kësaj revolte.
Në kërkesën drejtuar policisë PD kërkoi 48 orë leje, e cila iu mohua, ndërsa sipas policisë koha përfundimtare është mesnata e sotme.
“Qytetarët do ta vendosin fatin e protestës, të gjithë përfaqësojmë familjet tona dhe të ardhmen tonë. Rama po përgatitet për zgjedhje të parakohshme dhe për kryeministër tranzitor”, u shpreh Kryemadhi.
Më tej kryetarja e LSI-së ka komentuar dhe vendimin e disa kandidatëve të LSI-së për të pranuar mandatin e deputetit, teksa tha se ata shantazhohen me të shkuarën e tyre.
Kryemadhi refuzoi që të komentonte vendimin e Lefter Kokës, duke thënë se ai është i lirë në zgjedhjet e tij.
(E.K/FAXWEB.AL)
Discussion about this post