Igor Akinfeev, kapiteni i përfaqësueses së Rusisë në Kupën e Botës, ka thënë se do të tërhiqet nga futbolli ndërkombëtar pas 15 viteve.
32-vjeçari që shkëlqeu në Kampionatin Botëror me paraqitjet spektakolare ka vendosur t’u hapë rrugë kolegëve të rinj dhe të fokusohet vetëm te detyrat me klubin.
“Çdo histori a një fillim dhe një fund. Kështu që historisë sime me ekipin kombëtar i ka ardhur fundi i pashmangshëm”, ka thënë ai gjatë një deklarate nëpërmjet faqes zyrtare të CSKA.
“Ka qenë një nder i madh të jem kapiteni i Rusisë në Kupën e Botës. As në ëndrrat e mia nuk mendoja se do të ndodhte. Por ka ndodhur, dhe mbase ka qenë kulmi i karrierës time.
“Largohem me një ndërgjegje të pastër. Një brez i ri dhe premtues është shfaqur në Rusi. Duhet të besojmë te të rinjtë dhe t’i mbështesim”, përfundon deklaratën 32-vjeçari.
Discussion about this post