VIDEO/ Masakra ndaj zonës së mbojtur në Durrës, banorët akuza bashkisë (paralajmërojnë protesta)

Gjatë gjithë mbrëmjes së kaluar, pavarësisht denoncimeve të shumta, kanë vijuar punimet për prerjen e pemëve në zonën Kodër Vilë në Durrës.

Kurora e gjelbër e Durrësit, ose mushkëria e qytetit bregdetarnë Kodër Vilë në Durrës është duke u masakruar ditët e fundit.

E konsideruar si zonë me rrezikshmëri të lartë sizmiologjike për shkak të erozionit dhe rrëshkitjeve masive të dherave, ndërtimet u pezulluan për dekada me radhë, po ashtu edhe prerja e pemëve.

Pemët e mbjella 70 vjet më parë me punë vullnetare për të parandaluar erozionin, po priten nga një firmë e cila ka marrë leje për ndërtimin e katër godinave shumë katëshe, pikërisht në majë të kodrës.

Banorët kanë reaguar duke protestuar ndaj masakrës që po i bëhet lagjes së tyre. Fillimisht ata nisën një betejë ligjore dhe Gjykata e Shkallës së Parë e cila dha vendim si masë sigurie pezullimin e punimeve.n Mësohet se firma e cila po ndërton ka leje të rregullt ndërtimi. Problemi që ngrejnë banorët dhe që shtrohet para opinionit publik është si mund të ndryshojë statusi i një zone nga pyll në parcelë ndërtimore, e aq më shumë, në një zonë ku rreziku është shumë i madh?

“Kemi bërë kërkesa në shu8më institucione për anullimin e kësaj masakre. Disa na kanë kthyer përgjigje e disa të tjerë jo, ndërkohë po vijon prerja e pemëve dhjetra vjeçare si dhe po happen gropa të mëdha sepse do të ndërtohen 4 pallate. Nuk e kuptojmë si mund të bëhhet një gjë e tillë që të kthehet një zonë nga pyll në ndërimore”, tha njëra nga banorët që jeton afër vendit ku pritet të ndërtohet.

https://www.facebook.com/faxweb.al/videos/2337660616509482/

(F.GJ/FAXWEB.AL)