Katër automjete janë djegur me lëndë djegëse benzinë mbrëmjen e kaluar në qytetin e Vlorës.
Ngjarja ka ndodhur në orën 01:55 në lagjen “Dhimitër Konomi” në zonë e “Ujit të Ftohtë” në Vlorë dhe dyshohet se është e qëllimshme.
Në një njoftim të shkurtër për ngjarjen policia bën me dije se automjeti tip “Smart” ka marrë flakë, ku si pasojë e flakëve janë djegur pjesërisht edhe 2 automjete të tjera të markave “Audi” dhe “Landrover” në pronësi të shtetasit E.H.
Ndërkohë gazetarja e Fax News Afrovita Hysaj në një raportim nga vendngjarja u shpreh se makinat kanë distancë nga njëra-tjetra, ndaj njoftimi i policisë nuk është korrekt, pasi dyshohet se janë djegur qëllimisht 3 makina, ndërsa Fiat Punto është djegur aksidentalisht.
Makina e parë është tip Land Rover, me targa të huaj DF887YO me pronar Ervin Hysenvelliu. Makina e dytë Audi me targë AA060HB. Makina e tretë Mini Cuper me targe AA190EP me pronar Armando Shuli. Gjithashtu është djegur dhe një Fiat Punto me targe AA992FD.
Zjarrfikësja thotë se mjetet janë shkrumbuar të gjitha totalisht, pasi ishin spërkatur me benzinë.
Informacion paraprak
Më datë 26.01.2019, rreth orës 01:58, në lagjen “Ujë i Ftohtë” automjeti tip “Smart” ka marrë flakë, ku si pasojë e flakëve janë djegur pjesërisht edhe 2 automjete të tjera të markave “Audi” dhe “Landrover” në pronësi të shtetasit E.H.
Grupi hetimor po vijon punën për përcaktimin e shkakut të rënies së zjarrit.
