VIDEO/ Me dy duart lart para policisë së armatosur, dalin pamjet e arrestimit të dy shqiptarëve në Greqi

Kanë dalë pamjet e operacionit të madh, ku dhe u shkëmbye zjarr në ujërat detare greke. Dy shqiptarët e arrestuar, identiteti i të cilëve nuk bëhet ende i ditur shfaqen në video me duart të ngritura lart duke iu dorëzuar policisë.

Kujojmë se një gomone e nisur nga Shqipëria dhe e ngarkuar me drogë ka tentuar të futet në ujerat turke pasi kishte përshkruar gjithë hapesirën detare të Greqisë.

Operacioni po ndodh në këto momente në Mitilini, ku marrin pjesë 10 skafe të policisë greke, 1 avion i FRONTEX dhe 1 helikopter i policise greke.

Policia turke ka bllokuar futjen e gomones me 3 persona në ujrat e tyre. Gomonia është rikthyer në ujërat greke dhe po tenton ardhjen përsëri në Shqipëri. Snajperistet nga helikopteri kanë goditur disa herë, por gomonia vazhdon të lundrojë.

Burime nga policia greke: Eshte arritur të kapet njëra prej gomoneve. Trafikantët kanë pasur dy gomone, ndërkohë po ndiqet edhe tjetra.

Policia greke: Tek njëra nga gomonet kemi arrestuar 2 shqiptare dhe 1 italianë. Po merren në pyetje në Mitilini. Vazhdon operacioni për gomonen tjetër.

Ndërkohë që policia shqiptare reagoi për ngjarjen duke njoftuar se “policia Greke gjatë operacionit ka kapur një prej mjeteve lundruese, brenda të cilit nuk është gjetur lëndë narkotike dhe ka ndaluar dy shtetas shqiptarë dhe një shtetas italian që ndodheshin në bordin e skafit.”

Njoftimi i policisë

Në lidhje me një lajm të bërë publik në disa media, të cilat i janë referuar burimeve mediatike greke se dyshohet që dy gomone janë nisur nga Shqipëria dhe se Policia Greke është duke zhvilluar operacion, sqarojmë opinionin publik se:
Nga komunikimi paraprak me homologët grekë, lajmi i dhënë në media është tërësisht i pavërtetë.

Operacioni zhvillohet në kufirin mes Turqisë dhe Greqisë dhe jo në kufirin mes Greqisë dhe Shqipërisë dhe nga komunikimi i deritanishëm dhe shkëmbimi i informacionit nuk ka asnjë të dhënë që mjetet lundruese të jenë nisur nga Shqipëria.

Policia Greke gjatë operacionit ka kapur një prej mjeteve lundruese, brenda të cilit nuk është gjetur lëndë narkotike dhe ka ndaluar dy shtetas shqiptarë dhe një shtetas italian që ndodheshin në bordin e skafit.

Policia e Shtetit vijon shkëmbimin e informacionit me homologët për dy shtetasit shqiptarë dhe është në ndjekje të operacionit nga homologët grekë.

(M.Q/Faxweb.al)