“Unë jam një protestues që vij nga Norvegjia, dhe jamë së bashku këtu me familjen time. Kam ardhur të mbështes dhe kauza të tjera si ajo e Teatrit dhe ajo e Astirit. Jemi këtu për të mos përkrahur këetë që bën kjo qeveri kriminale, ky që unë nuk i them dot kryeministër, dhe djali im që është katër vjeç thotë ‘’Rama ik!”, u shpreh qytetari për Fax News.
I pyetur nga gazetarja Armela Ferko nëse i trembet hedhjes së gazit nga Policia, qytetari tha se më mirë të ketë vuajtje sot, se vuajtja të vazhdojë pa fund.
Kjo është protesta e katërt kombëtare e cila zhvillohet përpara kryeministrisë nga opozita e bashkuar, që prej vendimit për të djegur mandatet e deputetëve të PD-së dhe të LSI-së.
Kërkesat e partive opozitare janë të qarta, dhe lidhen me mbajtjen e zgjedhjeve pa Edi Ramën kryeministër, dhe krijimin e një qeverie tranzitore, e cila do të mundësojë mbarëvajtjen e tyre.
Me kalimin e javëve vendosen në pikëpyetje dhe zgjedhjet lokale të 30 Qershorit, që sipas opozitës nuk do të mbahen, ndërsa qeveria Rama dhe PS janë angazhuar me zgjedhjen e kandidatëve në mbledhjen e sotme të Asamblesë.
