Dhjetra banorë në zonën e Laprakës, janë ngritur ditën e sotme sërish në protestë, duke kërkuar mbylljen e një fabrike tullash e cila krijon ndotje shumë të madhe për zonën.
Sipas tyre gjatë natës fabrika lëshon shtëllunga tymi dhe kjo ka ndikuar në shëndetin e banorëve. Në protestë ishin të pranishëm të rritur dhe fëmijë dhe këto të fundit në shenjë protestë kishin vendosur maska në fytyrë për shkak të ajrit të rënduar.
Banorët kërkuan që qeveria të marrë masa dhe të mbyllë fabrikën, pasi nëse nuk do ta heqë qeveria do përshkallëzohet protesta dhe ata do ta mbyllin me dhunë.
Sipas tyre për shkak të aktivitetit të fabrikës, ka banorë që kanë ndërruar jetë dhe shumë të tjerë janë sëmurë me tumore, duke u kthyer si një nga shkaktarët kryesore për sëmundjet në zonë.
I pranishëm në mbështetje të banorëve ishte edhe ambientalisti Sazan Guri, i cili ka bërë thirrje për mbylljen e kësaj fabrike.
“Rama ta marrë fabrikën ta çojë pranë shtëpisë së tij.”- u shpreh ambientalisti Guri.
(M.Q/Faxweb.al)
Discussion about this post