Ndeshja e mbrëmshme mes skuadrës së mesfushorit shqiptar Kamer Qaka, Steaua Bucharest dhe Universitatea Craiova të Rumanisë, për pak sa nuk është kthyer në një tragjedi futbolli.
Një përplasje e fortë mes dy lojtarëve kundërshtar, ka bërë që futbollistit të Universitatea Craiova Miahila t’i rrezikohet rëndë jeta. Një përplasje që të kujton ndeshjet në “Smack Down”, ishte ajo që kundërshtari ndërmori ndaj Mihailas, duke i rrezikuar seriozisht jetën. Ka qenë ndërhyrja futbollistit të kombëtares sonë, mesfushorit Kamer Qaka, e cila shpesh herë vlerësohet si deçizive në raste të tilla. Ai e ka kthyer sulmuesin në krah, duke mos lejuar që të mbytej, e më pas ka ardhur ndihma e stafit mjekësor.
18-vjeçari Mihaila fatmirësisht është përmendur në spital.
Ndonëse skuadra e Qakës humbi me shifrat 3-0, ky i fundit duhet të jetë ndjerë mirë, pasi shpëtimi i një jete vlen më shumë se 3 pikë në fushën e blertë.
(B.B/ Faxweb.al)
Discussion about this post