Ura e Dragotit në Tepelenë është pikë rreziku dhe për këtë duhet të bëni kujdes. Lajmin e konfirmon vetë Autoriteti Kombëtar i Rrugëve pasi në hyrje ka vendosur një tabelë ku këshillohen drejtuesit e mjeteve të bejnë kujdes dhe të respektojnë sinjalistikën dhe udhëzimin në tabelat përkatëse.
E njëjta situatë është edhe në urën e Leklit po në Tepelenë. I pyetur nga FAX NEWS Ardis Duka inxhinier i ARRSH Gjirokastër, konfirmon problematikën si shkak i kohës së gjatë të mos investimeve në këto vepra arti. Problematikat janë shtuar në strukturën mbajtëse të tyre. Lajmi i vetëm i mirë është fakti se ka nisur procedura e projektimit për të nisur investimin në këto ura por një datë për nisjen e punimeve nuk mund të thuhet.
“Problematika dhe inspektimi i gjëndjes së urave në të gjithë vendin startoi pas tragjedisë së Italisë ku një urë u shemb duke shkaktuar disa viktima. Vetëm dy ditë më parë u bë publik një raport mbi gjendjen e urave ne vënd dhe u konstatua se 30 ura janë në gjendje të rrezikshme”-u shpreh ai.
Discussion about this post