Del video e plagosjes së Romeo Meçajt mbrëmjen e djeshme në qytetin e Vlorës, ndaj të cilit u qëllua me të paktën 15 plumba.
Ora News ka arritur të sigurojë videon ku tregon se si 33-vjeçari qëllohet me breshëri plumbash ndaj tij, duke e lënë në gjendje të rëndë.
Në video dallohet se si makina tip “Golf 5”, afrohet pranë makinës tip “Nissan Pajero”, me të cilën udhëtonte Meçaj, duke hapur zjarr në mënyrë të menjëhershme.
Kamerat kanë fiksuar momentin kur goditja është kryer nga dera e parë e pasagjerit të makinës. Zjarri i automatikut që sipas policisë ka qëlluar të paktën 15 herë dallohet qartë në këtë video, ndërsa edhe në vendngjarje në një distancë prej mbi 15 metrash janë gjetur 15 gëzhoja.
I prekur nga plumbat në pjesën e gjoksit pranë zemës dhe në gjymtyrë, Romeo Meçaj, ka humbur kontrollin e mjetit duke u kthyer majtas ku është përplasur me automjetin e një banori të zonës që ishte parkuar aty pranë.
