I ftuar në studion e Fax News, Eduard Ndocaj, kreu i PBDKSH ka folur rreth aktualitetit politik në vend, përfshirë edhe operacionin e madh “Volvo 4” por edhe dorëheqjen nga posti i ministrit të Fatmir Xhafajt.
Ndocaj ka thënë se grupet kriminale në vend janë të mirëorganizuara dhe kanë lidhje me njëri-tjetrin në të gjithë vendin, “një grup i mirëorganizuar në bashkëpunim me qeverinë”, tha ai.
Duke iu referuar dhe arrestimit të ish-deputetit socialist Arben Ndoka gjatë operacionit “Volvo 4”, Ndocaj tha se Ndoka është pjesë e grupit kriminal në Lezhë i përfshire në tjetërsimin e pronave, së bashku me deputetin socialist Pjerin Ndreu të përfshirë në veprimtari kriminale, të përfshirë edhe në blerjen edhe manipulimin e zgjedhjeve në Lezhë.
“Është një grup i mirëorganizuar në Lezhë që kanë uzurpuar pronat në Lezhë, e qytetarëve të Lezhës, është krijuar një grup kriminal nga të gjitha polet dhe Lezha është kthyer në një çerdhe të tyre. Prokuroria dhe drejtësia të veprojë edhe me ata që janë jashtë. Mendoj se deputeti Ndreu është pjesë e këtij grupi se ka 4 vite që bashkëpunon me këtë grup, në zgjedhjet e 2017 deputeti Ndreu u bë deputet falë këtij grupi, sepse blenë votat, ky është përfaqësues i tyre”, u shpreh Ndocaj.
Mendoj se të gjitha këto grupe janë të organizuara dhe bashkëpunojnë së bashkë, nga Vermoshi në Konispol. Është një grup i mirëorganizuar në bashkëpunim me qeverinë.
Kryeminisri i këtyre bandave duhet të ishte një kryeministër i larguar po të kishim një opozitë të shëndoshë. Ne kemi një qeveri që duhet të ishte larguar me kohë dhe ky kryeminsitër duhet të ishte larguar me kohë.
“Unë nuk po shpik akuza, por këtu këtu nuk kemi prokurori por një zyrë noteriale. Rilindja ka marrë vota në Lezhë me lekët e hashashit. I kam denoncuar, por drejtësia këtu funksionon në mënyrë të tupshme. Një ish-ministër i Brendshëm del dhe mban konferencë për shtyp, ndërsa duhet të ishte në burg, s’kanë vlerë ato letra që nxjerr ai. Por këtu drejtësia është e kapur nga pushteti, nga bandat”, shtoi ai.
Në lidhje me dorëheqjen e Fatmir Xhafës, Ndocaj tha se Xhafaj vazhdonte punën i qetë edhe pse vëllain e kishte të dënuar për trafik droge, ndërsa nuk përjashtoi se ikja e tij erdhi si pasojë e operacionit të fundit ku duheshin arrstuar edhe të tjerë persona, përfshirë dhe Vangjush Dakon.
“Vëllain e kishte trafikant, i kërkuar dhe i dënuar në Itali, dhe ky vazhdonte punën e tij. Mendoj se duhet të kishte arrestuar edhe më, duhet të kishte arrestuar edhe zotin Dako. Është presion i bandave ndaj kryeministrit dhe ministrit dhe ky është mes dy zjarreve , bandat dhe ndërkombëtarët sepse ndërkombëtarët kërkojnë të arrestojnë peshqit e mëdhenj dhe jo këta të vegjlit.
Absolutisht duhet të ishte arrestuar Dako, është një përfaqësues i turpshëm iatij qyteti se ai del haptas dhe e pranon se ka bashkëpunuar me bandat dhe i falenderon, u përulet bandave, se e kanë vënë krytetar, nuk është një kryebashkiak i zgjedhur me vota të qytetarëve, por është një kukull para tyre, duhet vënë para drejtësisë. Por Dako mbrohet nga kupola”, deklaroi Ndocaj ndër të tjera. (B.H/Faxweb)
Intervista e plotë:
Discussion about this post