EMRI/ U gjet i mbytur në grykën e HEC-it, identifikohet viktima, ja për çfarë dyshohet

Është identifikuar viktima që u gjet ditën e sotme në HEC-in e Raposhtovës në Librazhd. Burime për Faxweb.al bëjnë të ditur se viktima është Besim Karaj, 27, vjeç banues në Njësinë Administrative Lunik dhe dyshohet se ishte më probleme mendore.

Sipas burimeve nga policia me infromacionin e dhënë nga roja i digës së HEC-it të Rrapunit, thuhet se gjatë mbrëmjes së djeshme një shtetas ishte futur në hidrocentral dhe nuk ka dalë më.  Policia ka shkuar menjëherë në vendngjarje dhe ka nisur kërkimet.

Shërbimet  e Komisariatit të Policisë Librazhd në bashkëpunim me  punonjësit e HEC-it është bërë e mundur gjetja dhe nxjerrja e trupit të shtetasit B .K., 27 vjeç, banues në Njësinë Administative Lunik, Librazhd.

Nga këqyrja paraprake e kufomës nuk janë konstatuar shenja dhune apo dëmtime të shkaktuara nga ndonjë faktor tjetër.

Grupi hetimor po punon për zbardhjen e plotë të rrethanave të ngjarjes.