Me sloganin “Ngrihu o popull se po na shtypin”, studentët e universitetit “Aleksandër Xhuvani” në Elbasan, janë ngujuar në hollin qëndrorë të këtij institucioni duke bërë thirrje që të anullohet ligji për arsimin e lartë.
Ata i janë bashkuar thirrjes së studentëve të Universitetit të Tiranës një pjesë e të cilëve janë ngujuar nëpër fakultetet përkatëse, nga ku kërkojnë plotësimin e kërkesave të tyre të adresuara tek Ministria e Arsimit dhe tek Kryeministri i vendit prej më shumë se një muaij tashmë.
Ata shprehen se gjatë kohës që kanë tentuar për të hyrë brenda godinës së universitetit kanë marrë shpesh mesazhe kërcënuese si dhe është tëntuar pengimi i futjes së tyre brenda.
Të vetëorganizuar,ata janë ngritur në protestë për uljen e tarifave të shkollimit dhe përmirësimin e kushteve në konvikte dhe auditore.
Pavarësisht se ata shpesh kanë denoncuar raste kur janë kërcënuar nga pedagogët se do të marrin mungesa nëse bojkotojnë mësimin dhe i bashkohen protestës, ata janë shprehur të vendosur për ta cuar kauzën e tyre deri në fund.
Sic duket, studentët nuk u janë bindur urdhrave të pedagogëve dhe kanë zgjedhur formën e ngujimit si mënyrë për të shprehur pakënaqësitë e tyre për gjendjen e universiteteve dhe konvikteve.
Thirrjet e studentëve:
Mos ia mbath prej përgjegjësisë
Dil thërriti hallit tënd
Për të ardhmen e Shqipërisë
Ta ngrem zërin në k’të vend
Për të drejtat rebelohemi
Sot së bashku ne ngujohemi
Nëse kjo duket pa lidhje
Sot për ne s’ka tjeter zgjidhje!
(F.GJ/FAXWEB.AL)
Discussion about this post