Pas protestës së Partisë Demokratike para ambineteve të Universitetit Luigj Gurakuqi në Shkodër, ku u zhvillua mbledhja e konstituimit të këshillit të ri bashkiak, kanë nisur edhe shoqërime e para në policia.
Fax News raporton se është shoqëruar nga policia Arvid Bushati, kryetari i FRPD-së në Shkodër. Pas këtij shoqërimi ish-deputetit Bardh Spahia është përplasur me efektivët e policisë të cilëv ju ka kërkuar kërkesën e prokurorisë për arrestimin e Bushtit.
“Ku e ke kërkesën, zbatoni ligjin dhe mos prek njeri me dorë”- dëgjohet të thotë ish-deputeti Bardh Spahia, teksa po konfrontohet me një oficer civil policie, për të cilin shprehet se nuk ka asnjë shenjë dalluese.
Kujtojmë se Partia Socialiste dhe aleatet e saj konstituan ditën e sotme këshilltarët e rinj në Bashkinë e Shkodrës, duke zgjedhur si kryetare Brisela Kadinë, ndërkohë që Valdrin Pjetri nuk është mandatuar si kryebashkiak.
Nga ana tjetër kryebashkiakia aktuale Voltana Ademi, nuk e ka liruar zyrën e saj duke e quajtur procesin e konstituimit ilegjitim si dhe ka paralajmëruar se shumë shpejt do të mbahen zgjedhjet e lira dhe demokratike.
Ndërkaq sekretari i Përgjithshëm i Partisë Socialiste Taulant Balla përgëzoi zgjedhjen e këshilltarëve të rinj dhe shkruan se për zgjedhjen e kryebashkiakut të ri “institucionet e ngarkuara nga Kushtetuta dhe ligji duhet të marrin përgjegjësitë që ju takojnë në situatën e krijuar.”
(M.Q/Faxweb.al)
