Vetëm një ditë pasi opozita ka marrë vendimin për të djegur mandatet e deputetëve të saj, kreu i PD-së Lulzim Basha dhe Shkëlzen Berisha janë parë sot në aeroportin e Rinasit.
Në një video që është bërë publike në rrjetet sociale, ata shihen të dy të ulur në pritje të fluturimit të tyre.
Raportohet se Basha do të ketë një takim me asamblenë parlamentare të OSBE-së dhe më pas do të kthehet bashkë me Fatmir Mediun dhe Nard Ndokën në Shqipëri. Këta dy të fundit ndodhen prej disa ditësh jashtë vendit, dhe derimë tani nuk e kanë zyrtarizuar djegien e mandateve të tyre.
Nuk dihet nëse djali i ish-kryeministrit Berisha do ta shoqërojë Bashën edhe në takim, apo përballja e tyre në Rinas ka qenë rastësore.
Pas vendimit për të djegur mandatet opozita dhe Basha janë përballur me kritika të shumta nga ana e ndërkombëtarëve, të cilët deklarojnë se ky mund të jetë një vendim që e çon demokracinë e vendit në një skenar të rrezikshëm dhe rrezikon integrimin.
(E.K/FAXWEB.AL)
Discussion about this post