Viti i Ri ka mbërritur dhe shënon pikërisht nisjen e dekadës së tretë të këtij shekulli, ndërsa shqiptarët e kanë pritur si rrallë herë të sapo dalë nga një tragjedi e cila erdhi si pasojë e një tërmeti të fortë që shkundi vendin duke shkaktuar 51 të vdekur dhe qindra të plagosur, pa llogaritur dëmet e mëdha në shkatërrimin e qindra banesave e bizneseve.
Por nga ana tjetër, ndoshta si asnjëherë tjetër, shqiptarët i gjeti të bashkuar e solidarë në trajtimin e kësaj tragjedie dhe pikërisht diçka më tepër se një muaj pas saj, gjetën kurajon për të pritur një vit tjetër në klimën e festave të fundvitit dhe shpresën se do të jetë një dekadë e mbarë dhe e begatë.
Më poshtë janë pamjet nga disa qytete të vendit që i përkasin mesnatës së kaluar dhe se si e pritën shqiptarët 2020.
Fishekzjarre dhe koncert muzikor, kështu u prit 2020 në Berat
Korçarët sfidojnë të ftohtin, ja si e priten Vitin e Ri
Në Korçë gjithashtu qytetarët kanë sfiduar temperaturat e ulta dhe kanë dalë në qendër të qytetit për të pritur ndërrimin e viteve, ndërsa kanë ndjekur edhe hedhjen e fishekzjarreve
Atmosfera e ndërrimit të viteve në Kukës
Temperaturat e ulta nuk i kanë penguar qytetarët e Kukësit të dalin në sheshin që ndodhet në qendër të qytetit për të ndjekur spektaklin e fishekzjarrevë.
Kjo është atmosfera e krijuar mesnatën e kaluar në qytetin Veri-Lindor të vendit.
Festimet në Gjirokastër, fishekzjarrët tek kalaja e qytetit
Në Gjirokastër spektakli i fishekzjarreve është organizuar tek kalaja e qytetit ndërsa të shumtë kanë qenë qytetarët që e kanë ndjekur.
Elbasani pret me fishekzjarre Vitin e Ri 2020
Në Elbasan spektakli i fishekzjarreve është organizuar nga Bashkia ndërsa qytetaë të shumtë kanë dalë në mesnatë në shesh për ta ndjekur. Ndërkohë nuk është raportuar për incidente fatmirësisht.
Si u prit Viti 2020 në qytetin bregdetar të Durrësit
Në qytetin e Durrësit Viti i Ri ka ardhur nën klimën e një ngjarjeje e cila ka tronditur jo vetëm atë, por mbarë Shqipërinë, ndërsa qytetarët kanë rigjetur forcën për të pritur fillimin e një dekade të re.
Edhe në qytetin bregdetar, nuk kanë munguar fishekzjarret dhe urimet për një vit të mbarë dhe të begatë.
Ja si e priten qytetarët e Fierit 2020
Edhe në qytetin e Fierit qytetarët kanë dalë në shesh ku kanë ndjekur spektaklin e fishekzjarreve ndërsa për mikrofonin e Fax News kanë shprehur urimet më të mira për vitin 2020. Madje njëri prej tyre uroj që të jetë një vit pa gënjeshtra.
Qindra qytetarë ndjekin spektaklin e fishekzjarreve në Vlorë
Me qindra qytetarë në qytete të ndryshme të vendit e priten ndërrimin e viteve në sheshe ku edhe ndoqën festivalet e fishekjarreve.
Edhe në qytein bregdetar të Vlorës qytetarë të shumtë kanë qëndruar për disa orë në shesh ku edhe ishte organizuar një koncert festiv me këngëtar të ftuar, ndërsa me në orën 00:00 kanë ndjekur shpërthimin e fishekzjarreve.
(F.GJ/FAXWEB.AL)
Discussion about this post