Debatet mes mazhorancës dhe opozitës në Kuvend kanë vazhduar gjatë gjithë ditës së sotme.
Projektligji u miratua me 75 vota. Nga ana tjetër Partia Demokratike dhe Lëvizja Socialiste për Integrim u larguan në momentin që projektligji po miratohej.
Por ajo që është vënë re, ka qënë mungesa e ministrit të PS-së, Pandeli Majko.
Sipas burimeve të Faxnews mes Majkos dhe Ramës ka pasur një debat të fortë në lidhje me votimin.
Mendohet se Rama i beri presion Majkos duke i thënë ”Nëse s’do votosh, ik në shpi. Mua mos më bëj numra”.
Majko doli i nervozuar nga salla e Kuvendit, ndërsa kamerat kapën debatin mes tyre.
Deputeti i PD-së Florian Mima ne fjalën e tij në Kuvend ka nënvizuar mungesën e ministrit Pandeli Majko në seancë, i cili është larguar nga Kuvendi, ndonëse deklaroi se ishte një nga ata që do të votonte kundër projektligjit për shembjen e Teatrit Kombëtar.
Mima tha se Rama e perzuri Majkon: “Në 2002 kemi një personazh që propozon që Teatri të bëhet muze për të varur brekët e Violeta Manushit, por kryeministri i kohës, nuk po e shoh zotin Majko nuk e di a e përzutë ju apo iku vetë, kryeministri Majko ne ate kohe refuzon dhe propozuesi fut përkohësisht bishtin në sallë në pritje të propozimeve të reja…”.
(E.V/Faxweb.al)
Discussion about this post