Forca të shumta të Policisë së Vlorës kanë bllokuar plotësisht rrugën në lagjen “10 Korriku” të këtij qyteti, pasi dyshohet se është hedhur një sasi lënde plasëse në këtë rrugë.
Policia ka ndaluar qarkullimin e mjeteve dhe të këmbësorëve duke vendosur një perimetër të gjerë sigurie.
Bomba dyshohet të jetë e aktivizuar dhe e rrezikshme, ndërkoh policia ka ngritur perimetër të lartë sigurie në pritje të mbërritjes së forcave xheniere, duke marrë të gjitha masat që operacioni të mbyllet pa pasoja.
Bëhet me dije se kanë qenë banorët që e ata që kanë konstatuar lëndën plasëse të cilët bënë edhe njoftimin në polici duke u shprehur se pakoja ka rënë nga një makinë në lëvizje.
Ngjarja është raportuar rreth orës 19:30, dhe mësohet se ekspertët janë nisur nga Tirana për në Vlorë për të bërë ekspertizën e pakos të dyshuar për bombë.
Sipas raportimeve, dyshohet se lënda plasëse është e montuar me një komandë, mekanizëm që përdoret për shpërthimet në distancë.
(F.GJ/FAXWEB.AL)
Discussion about this post