Video/ Pas gafave, Rudina Hajdari ”zë mend”. E shkruan fjalimin, prapë ‘çalon’ me leximin

Të mësuar me gafat e përjavshme në Kuvend, deputetja Rudina Hajdari kishte vesnodur që fjalimin e sotëm ta mësonte pothuajse përmendsh.

Pavarësisht se kishte dalë me një fletë të shkruar para kolegëve të saj, ajo sërish nuk ia doli të lexonte si duhet.

Në fjalën e saj Hajdari u shpreh se Rama dhe Basha kanë bërë një marrëveshje të fshehtë zuzarësh.

Pjesë nga fjalimi i Hajdarit:

Rama premton vende pune, ndërkohë që njerëzit kanë carë ferrën bashkë me serverin e Lotarisë Amerikane

Gjenerali në hije me ushtri të mpirë me gaztorin kimik luan luftërash, njerëzisë u përloten sytë dhe shpirti.

Kryetari në tentativë i legjionit të shpërbërë, u premton mjekëve se do i lajë në flori, u premton studentëve të çlirojnë universitete duke luftuar drogën dhe studentët çuditen. U premton astirasve se nga Astiri nuk do të heqin Astirin, Tirana vazhdon anormalitein e anormalëve.

Kryetari në tentativë i legjionit të shpërbërë nxjerr mish për top njerëzit, për hallin e tij, njerëzit të habitur hapin sytë dhe nuk dinë në ç’derë të trokasin.

Ç’faj ka kjo shoqëri që duhet të ndihet e papërfillur, biznesi që nuk llogaritet, kjo rini që duhet të shpërfillet nga çudibërësit e shkëputur nga realiteti

Kritika që u bëj njerëzve është të flasin me ndjesi, u drejtohem atyre që jo vetëm më vështroni por edhe më shikoni, do flas me shpirt, për ata që kanë veshë të më dëgjojnë, e ata që më shikojnë.

Në kohë të jashtëzakonshme është e udhës të bëjmë gjëra të jashtëzakonshme, shumë njerëz më thonë, mos, se ky vend ka marrë fund, mos se Shqipëria nuk bëhet, shqiptarët janë dembelë, mos se këta janë të rrezikshëm, se këta kanë bërë marrëveshje, se media është e shitur, mos se je vetëm.

Unë ndiej se nuk jam vetëm, ky vend nuk ka marrë fund, e këta kanë marrë fund se shqiptarët nuk janë dembelë por këta janë dembelë, këta nuk janë të rrezikshëm por të frikësuar në palcë, kanë bërë marrëveshje por jo për shqiptarët por për zuzarët. Unë i detyrohem këtij vendi shumë dhe kam për të bërë gjithçka, nuk jam vetëm, jemi më shumë se çmendohet dhe më shumë se ç’mund të thuhet”, ka thënë Hajdari në Parlament.