Ish-ministri Fatmir Xhafaj ka mbërritur sot në zyrën e tij në Ministrinë e Brendshme, me shumë gjasa për herë të fundit, pasi nga sot kompetencat që ai mbante do t’i kalojnë Sandër Lleshit.
Ky i fundit u emërua sot në postin e zëvendësministrit me një vendim qeverie, ndërsa vendimi u parapri nga seanca plenare ku u vendos shkarkimi i Xhafajt.
Dhe për ironi të fatit vetë ish-ministri Xhafaj votoi shkarkimin e tij, duke qenë se tashmë është vetëm deputet i PS-së në Kuvend.
Në mënyrë unanime deputetët e PS-së vendosën largimin e Xhafajt, pas 19 muajsh ku mbajti një nga detyrat më të rëndësishme të qeverisë.
Në ministrinë e brendshme pas pak pritet që të mbërrijë dhe kryeministri Rama, ku do ti dorëzohet detyra Sandër Lleshit.
Mediat nuk janë lejuar të hyjnë në ambientet e brendshme të ministrisë, dhe duket se Rama ka vendosur që të ndjekë taktikën e regjisë qendrore dhe për këtë takim.
(E.K/FAXWEB.AL)
Discussion about this post