Me anë të një deklarate për mediat deputetët Jorida Tabaku dhe Enkelejd Alibeaj kanë akuzuar qeverinë Rama dhe ministrin e Brendshëm Fatmir Xhafaj se kanë shumëfishuar numrin e pikave të basteve në Shqipëri.
Deputetët u shprehën se dy bashkëpunëtorët e ngushtë të Agron Xhafajt vëllait të ministrit të Brendshëm, vëllezërit Besnik dhe Gramoz Murataj, të dënuar për trafik droge janë sot pronarë të dy kompanive të basteve.
“E mbani mend sesi katër muaj më parë, PD publikoi dënimin në Itali të Agron Xhafajt, vëllait të Fatmir Xhafajt. Pjesë e bandës së Agron Xhafajt janë edhe dy bashkëpunëtorët e ngushtë të tij, vëllezërit Besnik dhe Gramoz Murataj, të dënuar për trafik droge. Ky është vendimi i gjykatës për të tre.
Bashkëpunëtorët e Agron Xhafajt, vëllezërit Murataj janë sot pronarë të dy kompanive të basteve dhe njera prej tyre është ndër më të njohurat dhe shfaqet me disa emra. Për këtë dy të dënuar duhet të kishte vepruar ligji Antimafia për të verifikuar burimin e pasurisë së tyre. Deri tani ligji nuk ka vepruar sepse anëtarët e bandës së Agron Xhafaj është vetë, fasada që fsheh pronësinë relae të Agron Xhafajt mbi këtë kompani: Ekoped, bastelive etj. nën pronësinë e Agron Xhafajt dhe me mbështetjen politike të fatmir Xhafajt, për 5 vjet ka shumëfishuar aktivitetin në tregun e bixhozit”.
(M.Q/Faxweb)
Discussion about this post