Ndeshja mes Realit të Madridit dhe Juventusit natën e mbrëmshme, e vlefshme për Ligën e Kampionëve mbase do të jetë e fundit për legjendën Buffon në këtë kompeticion.
Por ky takim prodhoi dhe një episod shumë të kontestuar siç ishte dhënia e penalltisë për Realin në fund të takimit nga gjyqtari. Ky vendim shkaktoi reagim të fortë tek Juventusi, ndërsa Buffon protestoi ashpër duke u ndëshkuar me të kuq nga arbitri.
Ajo që bëri përshtypje ishte se pavarësisht se tifozët e Realit ishin në ekstazë për vendimin e gjyqtarit, ata respektuan legjendën Buffon i cili shumë i mërzitur për vendimin e gjyqtarit la fushën e lojës. Në video siç shihet i gjithë stadiumi duartroket portierin duke dalë nga fusha.
Kujtojmë që edhe në takimin e parë në Torino tifozët e Juventusit duartrokitën Cristiano Ronaldon pasi ky i fundit shënoi golin e dytë në stilin gërshërë.
On aurait tous préféré que sa carrière européenne se termine autrement mais l’ovation du Bernabéu pour Buffon restera l’une des images fortes de la soirée. #RealMadridJuventus pic.twitter.com/Hf4mTgFjkq
— Louis Vix (@VixLouis) April 11, 2018
(B.H/Faxweb)
