VIDEO/ Përfshihet nga flakët hoteli në një vendpushimi skish në Turqi, 10 të vdekur dhe më shumë se 30 të lënduar

Dhjetë persona humbën jetën dhe më shumë se 30 mbetën të lënduar pas një zjarri që ra gjatë natës në një hotel, në vendpushimin e skive Kartalkaya në provincën Bolu, në veriperëndim të Turqisë

“Sot në orën 03.27 ka rënë zjarr në një hotel në resortin e skive Kartalkaya”, “për fat të keq numri i të vdekurve ka arritur në dhjetë dhe numri i të lënduarve në 32”, njoftoi ministri i Brendshëm turk Ali Gerlikaya, përmes X.

Zjarri ra në katin e katërt të hotelit 11-katësh dhe zjarrfikësit po punojnë ende për ta shuar atë, tha për transmetuesin shtetëror TRT guvernatori i Bolu-s, Abdulaziz Aydin.

Ai tha se ende nuk dihen shkaqet e zjarrit dhe autoritetet janë duke kryer hetimet. Gjithashtu shtoi se hotel ndodheshin 234 turistë në momentin që ka rënë zjarri.