Një ngjarje e rëndë ka trondtitur mbrëmë fshatin Goriçaj, pranë Divjakës, në Lushnjë. Në orët e vona të mbrëmjes së të hënës ka pasur një përplasje me armë që ka shkaktuar edhe viktima.
Një person u qëllua për vdekje me armë zjarri, në një lokal, ndërsa paraprakisht dyshohet se shkak është bërë një konflikt i çastit.
Viktima është shtetasi A.Ll, 42-vjeçar, banues në këtë fshat, që humbi jetën menjëherë sapo u qëllua me armë, ndërsa autori dyshohet se është Petrit Toromani, pronar i lokalit ku ndodhi ngjarja.
Policia dhe grupi hetimor kanë mbërritur menjëherë në vendin e ngjarjes dhe po punojnë për zbardhjen e shkaqeve dhe rrethanave të krimit, ndërsa është bërë i mundur edhe arrestimi i autorit të ngjarjes, në vetëm pak minuta.
(E.K/FAXWEB)
https://www.youtube.com/watch?v=Dn8jI5vu7Vs&feature=youtu.be
Discussion about this post