Një ngjarje e rëndë e ndodhur në familjen Duraku nga Elbasani, i ka bërë ata të drejtohen në Fax News me një apel për ndihmë për shkak të pamundësisë ekonomike për ti ardhur në ndihmë djalit të tyre të mitur. Rasti i Rugenit është një nga ato rastet e veçanta, i cili që në moshën 8 vjeçare i është dashur të përballet me një sfidë të vështirë për jetën e tij.
Në momentin kur për shkak të një goditje në tru në tetor të 2018 e pasuar nga një goditje kirurgjikale i pamundësoi të miturit të ecurën. Për shumë muaj Rugenit iu desh të ndiqte terapi intensive për të fituar sërisht levizjen e këmbëve të cilën ende nuk e ka rifituar plotësisht.
Beteja me sëmundjen e vështirë edhe pas operacionit të rëndë vijon. Dhimbja dhe shpenzimet e familjes janë shumë të mëdha, pasi familja ka vetëm një ndihmë ekonomike. Dy prindërit e papunë dhe vëllai e motra ende në shkollë e kanë ndihmuar vetëm me borxhe të voglin. Frika për jetën e të birit dallohet qartë në sytë e të ëmës së tij.
Nëna e tij, Liri Duraku mes lotësh kërkon ndihmë për të shpëtuar jetën e djalit të saj. Ndërkohë edhe Romario, vëllai i madh i Rogenit lutet që dikush ti ndihmojë në këtë hall të madh që kalon gjithë familja.
I vetëdijshëm për vështirësitë që po kalon as Rogeni nuk mund ti fshehë lotët për vuajtjet e tij.Dëshira e tij më e madhe është të shkojë në shkollë dhe të luaj sërisht me shokët. Sytë e 8-vjeçarit flasin më shumë se qindra fjalë. Ata kërkojë dikë që ta ndihmojë të shërohet dhe të mund ta gëzojë jetën njëlloj si të tjerët.
Discussion about this post