VIDEO/ Plagosja e dyfishtë në Gjirokastër, zbardhet motivi i konfliktit. Ja kush është i dyshuari (EMRI)

Konflikti në Gjirokastër mes dy personave pranë Drejtorisë së Policisë në një pikë bastes dyshohet se ka nisur për çështje pronësie, raporton Fax News.

Kristaq Llukani ka plagosur me armë zjarri shtetasin Valentin Buci, 36 vjeç, dhe Xhelo Gërveshi, 52 vjeç.

Mësohet se dy personat e plagosur janë banorë të fshatit Lazarat. Dyshohet se motivi i plagosjes ishte për çështje pronësie.

Fax News ka siguruar dhe pamjet nga pika e basteve ku ndodhi plagosja.

Njoftimi i policisë:

Gjirokastër

Informacion paraprak

Në lagjen “18 Shtatori” të qytetit Gjiokastër, rreth orës 20:45, para një lokali “lloto sporti”, shtetasi K. Ll, rreth 40 vjeç, banues në Gjirokastër,  pas një konflikti të çastit, ka plagosur me armë zjarri  tip pistoletë shtetasit:

XH.G 52 vjeç dhe V.B 36 vjeç, të dy banues në Lazarart.

Të dy shtetasit e plagosur janë transportuar në Spitalin rajonal Gjrokastër, për momentin jashtë rrezikut për jetën.

Autori menjëherë pas ngjarjes është larguar,  ku forca të shumta policie po krehin zonën për të bërë të mundur kapjen dhe arrestimin e tij.

Grupi hetimor në vendngjarje ka sekuestruar 3 gëzhoja pistolete.

Po vijon puna për zbardhjen e plotë të rrethana të ngjarjes, si dhe për kapjen e  autorit.

https://www.youtube.com/watch?v=O2Mxm5XR-zM&feature=youtu.be

(B.H/Faxweb)