Ka precipituar në dhunë protesta e opozitës para parlamentit, ku gjatë protestës ka patur tensione të vazhdueshme midis protetuesve dhe punonjësve të policisë dhe të gardës. Protestuesit kanë filluar të hedhin bidona me bojë të kuqe në drejtim të policisë, ndërkohë policia ka shpërndarë gaz lotsjellës.
Publicisti Fatmir Merkoçi gjatë një debati me një punonjës policie, u shpreh se ka të drejtë të protestojë dhe policia nuk mund ta dhunojë me lëndë helmuese.
Debati
Fatmir Merkoçi: Çfarë është kjo, na lujtët mendsh. A e kuptoni çfarë po bëni mor apo jo, nuk dhunohet populli, pse fshiheni. Pse keni frikë, pse fshiheni. Nuk po kërkoj gjë, po ju pyes pse sulmoni dhe hidhni gazin.
Punonjësi i policisë: Nëse do të protestoni në mënyrë paqësore, ne do të qëndronim këtu dhe nuk do të bënim asnjë lëvizje.
Kujtojmë se Fatmir Merkoçi është plagosur gjatë rrëzimit të bustit të diktatorit Enver Hoxha me 20 shkurt të vitit 1991 dhe një nga organizatorët e protestave antikomuniste të atij viti.
Sot opozita paralajmëroi një protestë urgjente pas vendimit të kryesisë së Kuvendit për të mbajtur njëseancë penare para radhe, e cila ishte caktuar të enjten.
Po këtë ditë opozita kishte paralajmëruar të mbante një protestë të madhe, çka do të paralizonte sipas opozitës punimet e kuvendi të marrë peng nga bandat dhe kriminelët.
Ndryshimi i agjendës së maxhorancës ka çuar dhe në ndryshimin e agjendës së opozitës e cila po vijon prej më shumë se 2 orësh protestën para Kuvendit ku nuk kanë munguar përplasjet fizike mes protestuesve dhe forcave të FNSH-së, hedhjes së tymuesve shashkave dhe sendeve të forta. Raportimet nga Kuvendi thonë se është hedhur gaz lotsjellës për disa minuta rresht, çka ka bërë që protestuesit të shpërndahen për tu rikthyer sërish.
Gazetarët e Fax News thonë se pas kësaj janë parë qytetarë që vrapojnë për shkak të gazit lotsjellës si dhe ambulancën e cila ka mbërritur për të marrë një qytetar qe është ndjerë keq.
Gjithashtu 2 policë kanë mbetur të dëmtuar nga goditja me sende të forta.
(M.Q/Faxweb.al)
