Ish-deputeti i Partisë Demokratike, Ervin Salianji ka bërë një deklaratë të fortë këtë mbrëmje kur tha se kreu i opozitës, Lulzim Basha është përgjuar.
Ai tha se Basha është përgjuar nga policia, ndërsa ka bërë publike edhe një video ku shihet Basha dhe njëri prej policëve, sipas Salianjit, që shprehet drejt policëve të tjerë se nuk duhet të tremben pasi ai vetë ka tre ditë që e bën këtë gjë.
Silanji deklaroi në studion e emisionit “Open” se ky është një skandal i madh ku në vend që të përgjohen trafikantët, survejohet kreu i opozitës.
https://www.youtube.com/watch?v=Vpp0cs1Z0P8
Në një emision ku flitej për “superdosjet” e denoncuara nga Partia Demokratike kundër qeverisë së kryeministrit Rama, ish-deputeti Ervin Salianji ka denoncuar edhe diçka që ka zbuluar nga fashikujt e dosjeve ku akuzohet për kallëzim të rremë.
Në dosje, sipas pretendimeve të Salianjit, ka materiale video që tregojnë se qeveria e kryeministrit Edi Rama monitoron “non stop” selinë e opozitës, ish-SHQUP-in ku është vendosur prej vitesh Partia Demokratike.
“Nëse do të kishte Prokurori, atëherë do të niste menjëherë hetimet”, tha Salianji në studio për materialet që tha se janë publikuar më herët dhe nuk përbëjnë sekret hetimor.
Për videon, që sipas tij vërteton mbikëqyrjen ambientale të selisë së demokratëve, Salianji thotë se gjithçka bëhet nga njësia operacionale e Policisë së Shtetit.
Discussion about this post