Presidenti Ilir Meta ka publikuar në faqen e tij zyrtare në rrjetin social “Facebook” pamjet e shpërndara nga ministri i Diasporës, Pandeli Majko, me 31 tetor të koncertit të Ansamblit Kombëtar të Këngëve dhe Valleve Popullore në skenën e Teatrit Akademik të Komedisë Muzikore në Odessa.
Meta duket se ka mbetur i kënaqur nga aktiviteti që Agjencia Kombëtare e Diasporës ka organizuar për komunitetin shqiptar në Ukrainë.
“Po ndodh / Koncerti i Ansamblit Kombëtar i Këngëve dhe Valleve Popullore në skenën e Teatrit Akademik të Komedisë Muzikore në Odessa. Një koncert ky i realizuar nga Agjencia Kombëtare e Diasporës për komunitetin shqiptar në Ukrainë”, thekson ministri Majko duke i bashkëngjitur dhe videon nga koncerti i organizuar në Ukrainë.
Discussion about this post