Ditën e sotme kryetari i ri i Bashkisë Prrenjas, Nuri Belba, merr detyrën, pasi u zgjodh kryebashkiak nga zgjedhjet 30 Qershorit, zgjedhje të cilat opozita i bojkotoi.
Kjo bashki deri më sot është drejtuar nga Miranda Rira, e cila vjen nga rradhët e LSI-së. Kjo e fundit ka deklaruar se nuk do të lirojë ambientet e zyrës së saj.
Në një deklaratë për mediat Rira ka bërë të ditur se nuk do ta lirojë zyrën pasi do të jetë në shërbim të qytetarëve.
“Nuk e liroj zyrën jam në shërbim të qytetarëve. Jam në zbatim të dekretit të Presidentit të Republikës. Zgjedhjet lokale të 2019 do mbahen 13 tetor. Çdo tentativë për të dhunuar institucionin do ndiqet penalisht. Votimet e 30 qershorit të paligjshme. Në 30 qershor, votime moniste të Rilindjes. Qytetarët nuk kishin alternativë në 30 qershor. Kandidati hajdut i Rilindjes dhe këshilli monist me vetëm 8% të votuesve. Në mbështetje të kryetares së bashkisë së Prrenjasit është dhe sekretari i Përgjithshëm i LSI, Endrit Braimllari.”- është shprehur Rira.
