Është prezantuar sot projekti Lungomare 2 në ambientet e Fondit Shqiptar të Zhvillimit në Vlorë, i cili është kundërshtuar nga banorët e Orikumit.
Dhjetra banorë, dhe pronarë biznesesh kanë kundërshtuar projektin, pasi pretendojnë se gjurma ku do të kalojë kjo shëtitore është zgjedhur në mënyrë selektive.
Banorët kërkojnë ndërprerjen e projektit, pasi preken dhjetra banesa, ndërsa shumë prej tyre iu është mohuar në mënytë të njëanshme procesi i legalizimit.
Nuk ka ende një datë të saktë për nisjen e projektit, ndërsa ajo që bëhet me dije është se financimi do të bëhet nga Fondi Shqiptar i Zhvillimit.
Gazetarja e Fax News Afrovita Hysaj, shprehet se në zonë ka ende mbetje të pahequra, që nga muaji Nëntor kur u kryen disa prej shembjeve.
Siç shihet dhe në debatet e mëposhtme banorët kanë kërkuar që të mbahen dëgjesa publike në Radhimë dhe në Orikum.
