Në një kohë kur po mbyllet dhe protesta e 7-të e opozitës, kryeministri Rama ka reaguar përmes një videoje në Instastory, ku ironizon me hedhjen e bojës në drejtim të Ministrisë së Brendshme.
Rama thotë se tashmë përmes këtyre pamjeve ”’jemi gati për eksport nëpër botë, produkti më i mirë për nxirjen e Shqipërisë”.
Kryeminstri ishte i pranishëm sot në seancën në Kuvend, ku po diskutohej për Vetingun në Polici, po nuk kërkoi të mbante asnjë fjalim .
Kujtojmë se gjatë protestës së sotme nuk u shënuan akte dhune, ndërsa disa protestues mbetën të lënduar gjatë përplasjes me kordonin e policisë së shtetit.
Në fjalën e tij Basha u shpreh se zgjedhje me Edi Ramën nuk do të ketë, duke i dhënë njëherë e mirë fund thashethemeve për zgjedhjet lokale të 30 Qershorit.
Ndërkohë për spërkatjen me bojë të zyrës së tij ka reaguar dhe Lleshaj: Modeli i sjelljes politike të Lulzim Bashës ndaj Ministrisë së Brendshme të Shqipërisë, të cilën dikur e ka turpëruar si kreu saj dhe sot mundohet të njollosë me mjetet e tij.
(E.K/FAXWEB.AL)
