Video/ Protesta për varrimin e muxhahedinit, iranianët s’duan të filmohen: Ishte amaneti i të ndjerit

Mëngjesin e sotëm dhjetra banorë të zonës së Manzës kanë protestuar kundër varrimit të një antëtari të komunitetit iranian pranë varreve të tyre.

Ata thonë se nuk është e drejtë që ky komunitet të prehet aty ku prehen dhe familjarët e tyre. Banorët ankohen se ndërsa ata nuk kanë ujë dhe drita, komuniteti i iranianëve ka 24 orë furnizim në ditë.

Mes tyre ka pasur dhe një debat, negociuar dhe nga gazetarja e ‘’Fax News” Elitjona Doko.

Përfaqësuesit e komunitetit ranian nuk kanë dashur që të filmohen nga kamerat, dhe janë shprehur se ka qenë amaneti i të ndjerit të varrosej pranë varreve të fshatit.

‘’Personi që kemi varrosur  aty ka qenë dashamirës i komunitetit dhe kësaj zone, i moshuar dhe e kemi varrosur aty. Ne e duam shumë këtë zonë dhe kemi respekt por kemi problemet tona në vendin tonë që dhe ju i njihni dhe dini. Kemi marë leje nga njësia për ta vendosur aty”, janë shprehur iranianët.

Banorët kanë këmbëngulur se favorizimi i këtij komunitetit bëhet nën vetëdijen  e plotë të pushtetit lokal.

(E.K/FAXWEB.AL)

https://www.youtube.com/watch?v=DxMzgaDtU2M&feature=youtu.be